2025-nji ýylyň 1-nji dekabrynda Balkanabat şäherindäki Türkmenistanyň Gyzyl Ýarymaý Milli jemgyýetiniň «Ałada» Ýaşlar merkeziniň meýletinçileri AIDS-e garşy bütindünýä göreş gününe bagyşlanan maglumat çäresini geçirdiler.
Çäre wagtynda meýletinçiler 488 adam bilen maglumat alyşdylar, olaryň 380-si zenanlar, 108-si erkekler boldy. Gatnaşanlara aşakdakylar düşündirildi:
— AIW-iň öňüni alyş çäreleriniň esasy usullary;
— irki diagnostikanyň ähmiýeti;
— wirusyň ýokmagynyň hakyky ýollary.
Meýletinçiler şeýle hem gyzyl lentajyklary taýýarlap, ýolagçylara gowşurdylar. Gyzyl lentajyk AIW/AIDS bilen göreşde goldawyň we raýdaşlygyň nyşanydyr. Bu çäre ilatyň habarlylyk derejesini ýokarlandyrmaga hem-de öz saglygyna jogapkärçilikli çemeleşmek medeniýetini berkitmäge hyzmat etdi.
