Türkmenistanyň Goranmak ministrliginiň Mary welaýat raýat goranyşy we halas ediş işleri müdirliginiň we Türkmenistanyň Goranmak ministrliginiň Soltan-Sanjar adyndaky 3-nji ýörüteleşdirilen harby mekdebiniň bilelikde guramaklarynda Türkmenistanyň Içeri işleri ministrliginiň Mary welaýat Polisiýa müdirliginiň, Türkmenistanyň Içeri işleri ministrliginiň Mary welaýat Polisiýa müdirliginiň Ýangyn howpsuzlygy bölüminiň, Türkmenistanyň Magtymguly adyndaky Ýaşlar guramasynyň Mary şäher Geňeşiniň, Türkmenistanyň Saglygy goraýyş we derman senagaty ministriginiň Mary welaýat Saglygy goraýyş müdirlginiň, Türkmenistanyň Gyzyl Ýarymaý Milli jemgyýetiniň Mary welaýat bölüminiň hünärmenleriniň gatnaşmaklarynda Türkmenistanyň Goranmak ministrliginiň Soltan-Sanjar adyndaky 3-nji ýörüteleşdirilen harby mekdebiniň okuwçylarynyň arasynda “Ýaş halasgär” atly bäsleşigi geçirildi. Bäsleşigiň maksady Türkmenistanyň Prezidentiniň ösüp gelýän ýaş nesliň döwrebap bilim we terbiýe almaklary, watansöýüji, berk bedenli sagdyn, özbaşdak durmuşa taýýar, kämil durmuş endikli, giň dünýägaraýyşly ýaşlar bolup ýetişmekleri baradaky edýän atalyk aladalaryndan ugur alyp, mekdep okuwçylarynda türkmen halkyna mahsus bolan mertlik, edermenlik, batyrlyk, gaýratlylyk, gaýduwsyzlyk, ynsanperwerlik, lebzihalallyk ýaly ahlak sypatlaryny kemala getirmekden, mekdep okuwçylarynyň raýat goranyşa we dürli görnüşli adatdan daşary ýagdaýlara taýýarlyk endiklerini we başarnyklaryny ösdürmekden, olaryň raýat goranyşa we adatdan daşary ýagdaýlar boýunça bilimlerini artdyrmakdan şeýle-de olarda halasgär bolmak höwesini döretmekden ybarat boldy. Bäsleşik mekdep okuwçylarynyň ömrüniň we jan saglygynyň goraglylygyny üpjün etmekligi, ýaş nesliň watançylyk duýgusyny ösdürmekligi, ýol hereketiniň we ýangyn howpsuzlygynyň düzgünleri, raýat goranyşy we adatdan daşary ýagdaýlarda özüňi alyp barmagyň düzgünleri boýunça okuwçylaryň mekdepde alýan bilimlerini has-da artdyrmaklygy, adatdan daşary ýagdaýlaryň öňüniň alynmagy boýunça geçirilýän çärelere mekdep okuwçylarynyň işjeň gatnaşmaklaryny gazanmaklygy, mekdep okuwçylarynda halasgär bolmak höwesini döretmekligi, dürli görnüşli adatdan daşary ýagdaýlarda gözleg-halas ediş işlerini geçirmek we lukmana çenli ilkinji kömegi bermek üçin meýletinçileriň ätiýaçlygyny taýýarlamaklygy öz öňünde wezipe edip goýdy.
