Her ýylyň 19-njy awgustynda dünýä bileleşigi tarapyndan ýaragly dawa-jenjellerden, tebigy betbagtçylyklardan, ýokanç kesellerden we beýleki adatdan daşary ýagdaýlardan ejir çeken adamlara kömek edýän ynsanperwer işgärleriň hormatyna Bütindünýä ynsanperwer kömek gününi bellenýär.

Bu gün - ynsanperwerligiň, raýdaşlygyň we birek-birege goldaw bermegiň ähmiýetini ýatladýar hem-de öz gulluk borjuny ýerine ýetiren wagtynda wepat bolan ynsanperwer işgärleriň hatyrasyna bagyşlanýar.

Türkmenistanyň Gyzyl Ýarymaý Milli Jemgyýeti Halkara Gyzyl Haç we Gyzyl Ýarymaý Hereketiniň agzasy hökmünde ilatyň iň goraga mätäç toparlaryna ynsanperwer kömegini bermäge, adatdan daşary ýagdaýlara taýýarlygy pugtalandyrmaga, Halkara ynsanperwer hukugyny ilerletmäge, ilkinji lukmançylyk kömegini bermek boýunça okuwlary geçirmäge we beýleki ynsanperwer başlangyçlary durmuşa geçirmäge öz goşandyny goşýar.

Şunyň bilen mynasybetli, ynsanperwerlik ýörelgelerine ygrarly bolup mätäç adamlara goldaw berýän ähli işgärlere, meýletinçilere we hyzmatdaşlara tüýs ýürekden hoşallygymyzy bildirýäris.

Bütindünýä ynsanperwer kömek güni - her bir edilen ýagşy işiň başga bir adamyň durmuşynda uly özgeriş döredip biljekdigini hemmämize ýene bir gezek ýatladýarys!