Ýurdumyzda ýol-ulag hadysalarynyň öňüni almak, ýaş nesilleriň arasynda ýol herekediniň dogry düzgünlerini giňden wagyz etmek we olara ýolda özüňi alyp barmagyň düzgünlerini öwrenmek maksady bilen, Sarahs etrabynyň 19-njy orta mekdebinde ,,Ýol hereketiniň düzgünleri “ atly etrap derejesinde aýdym-sazly dabara geçirildi.

Dabaraly çärä Sarahs etrap häkiminiň orunbasary, etrap bilim bölüminiň we jemgyýetçilik guramalarynyň wekilleri, oba ýaşulylary, Sarahs etrap polisiýa bölüminiň işgärleri gatnaşdy.

Jemgyýetiň meýletinçileri mekdep okuwçylar bilen bilelikde ýol herekediniň düzgünlerine degişli sahnalar gözkezip, swetoforyň yşyklandyryş belgileri, pyýadalaryň borçlary we ýol belgileriniň manylaryny çeperçilik bilen beýan etdiler.

Okuwçylar ýol herekediniň howpsyzlygyna hem-de Bagtyýar çagalyga bagyşlanan joşgunly goşgudyr aýdymlary ýerine ýetirip, baýramçylyk ruhuny artdyrdylar.Etrap derejesindäki guralan bu çäre gatnaşyjylarda uly täsir galdyrdy.

Täsirli geçen çärede ýaş nesliň sazlaşykly ösmegi, zehinini ýüze çykarmagy ugrunda taýsyz tagalla edýän Arkadagly Gahryman Serdarymyzyň we Gahryman Arkadagymyzyň adyna alkyş sözlerini aýtdylar.