Häzirki wagtda tebigaty gorap saklamak, ýurdumyzy bagy-bossanlyga öwürmek döwlet syýasatynyň möhüm ugurlarynyň birine öwrüldi. Ýaşaýan ýeriňde ählitaraplaýyn durmuş üpjünçiliginiň bolmagy ynsan üçin, bahasyna ýetip bolmajak peşgeş we uly bagt. Suw damjasy-altyn dänesi diýibem ýönelige aýdylmandyr. Bu ugurda Türkmeniň Milli Lideri, Gahryman Arkadagymyz: “Asyrlarboýy ýaşaýşyň gözbaşy, bolçulygyň girewi hasaplanyp gelinýän suw ähli janly tebigata ömür berýär, ynsan durmuşyny gülledýär, özgerdýär, giň ýaýlalarymyzy, sähralarymyzy gülzarlyga, rysgal-döwletiň mekanyna öwürýär” diýip, jaýdar belläp geçýär. Elbetde, suw halkymyzyň ýaşaýşynyň esasy serişdesi bolup durýar. Her damjasyny altyna deňeýän halkymyz suwy mydama tygşytly we rejeli peýdalanmaga çalyşýar. Hormatly Arkadagymyzyň, Arkadagly Gahryman Serdarymyzyň başda durmagynda ýurdumyzda adam hakda aladany kämilleşdirmek, türkmen halkynyň ýaşaýyş-durmuş şertlerini dünýä ülňilerine laýyk getirmek ugrunda durmuşa geçirýän ägirt uly işleriniň bir ugruda çölleşen ýerleri suwaryp, ekerançylyk ýerleri köpeltmek, özleşdirilen ýerlerden bol hasyl almak, ekologiýa abadançylygyny saklamakda tebigaty bagy-bossanlyk bilen gözelleşdirmek bolup durýar.

Bu babatda Türkmenistanyň Gyzyl Ýarymaý Milli Jemgyýetiniň Lebap welaýat bölümi hem ynsanperwerlik ýörelgelerine eýermek bilen, ynsan saglygyny we durmuş, suw upjünçiligini gowulandyrmak maksady bilen, welaýatyň Darganata etrabynyň Çarwadar geňeşliginiň oba ilatyna sorujy nasosy oturdyldy. Çarwadar geňeşliginiň halky edilen haýyr-sahawatlylyk goldaw üçin özleriniň minnetdarlygyny bildirdiler. Gelejekde hem ynsanperwerlik ýörelgelerine eýermek, ýardamlaşmak, il-ýurt bahbitli işler dowam etdiriler.