Jemgyýetiň we döwletiň iň ýokary gymmatlygy bolan adamyň saglygyny goramak Türkmenistanda döwlet syýasatynyň ileri tutulýan ugurlarynyň biri bolup durýar. Hormatly Prezidentimiziň ýolbaşçylygynda ynsan saglygyny goramak, sagdyn durmuş ýörelgelerini rowaçlandyrmak, bedenterbiýäni we köpçülikleýin sporty işjeňleşdirmek babatda köp işler durmuşa geçirilýär.
Türkmenistanyň Gyzyl Ýarymaý Milli Jemgyýetiniň Mary welaýat bölüminiň Sakarçäge etrabynyň çäginde ýerleşýän orta mekdeplerde şeýle çäreler yzygiderli talabalaýyk ýerine ýetirilýär. Şol çäreleriň biri hem Sakarçäge etrap Bilim bölüminiň hünärmeni bilen bilelikde 17-nji orta mekdebiniň mugallymlarynyň we okuwçylaryň gatnaşmagynda “Sagdyn jemgyýet- sagdyn maşgala” ady bilen maslahaty geçirildi.Bu geçirilen maslahatda şahsy arassaçylygy, edep-terbiýe barada sorag-jogap alşylyp gatnaşyjylaryň dykgatyna ýetirildi.
