Türkmenistanyň Gyzyl Ýarymaý Milli Jemgyýetiniň Ahal welaýat bölümininiň ADÝD boýunça bölümçesiniň  müdiri bilen  Ak bugdaý etrap wekili, Ak bugdaý etrabynyň Merkezi kitaphanasynyň hünarmenleri bilen bilelikde   “Gahrymanlar unudylmaýar” atly wagyz-nesihat çäresi geçirildi.

Hormatly Prezidentimiziň tagallalary bilen Garaşsyz, hemişelik Bitarap Türkmenistan döwletimizde bellenilýän Ýeňiş güni Ýer ýüziniň ähli adamlaryny parahatçylyga, dostluga we hoşniýetlilige çagyrýan sene hokmünde milli senenamamyzda mäkäm orun aldy. Şoňa görä-de Berkarar döwletimizde bu gün halkymyz söweş meýdanlarynda we zähmet frontynda edermenlik görkezen ildeşlerimizi ýatlap, olaryň gahrymançylygynyň öňünde başyny egýär.

Beýleki doganlyk halklar bilen bir hatarda, bu uruşda halkymyzyň merdana ogul-gyzlary urşun agyr synaglaryny mertlik bilen başdan geçirip, eziz Watanymyzy gorap janlaryny gurban etdiler. Olar Ýer ýüzinde parahatçylygy, asuda we abadan durmuşy goramak ugrundaky söweşlerde edermenligiň, gaýduwsyzlygyň we hakyky watançylygyň nusgasyny görkezdiler.

Hormatly Prezidentimiziň ynsanperwer syýasaty netijesinde Garaşsyz, baky Bitarap Türkmenistanda 1941-1945-nji ýyllaryň Beýik Watançylyk urşuna gatnaşyjylaryň söweşlerde  görkezen deňsiz-taýsyz gahrymançylygyna hem-de uruş ýyllarynda tylda zähmet çeken ak saçly enelerimiziň, uruşda wepat bolanlaryň ýanýoldaşlarynyň nusgalyk edermenligine uly sarpa we hormat goýulýar.

 Bu gün Hormatly Prezidentimiziň beýik ynsanperwerligi bilen Ýeňşiň 80  ýyllygy mynasybetli urşa gatnaşan şöhratly weteranlara, uruşda wepat bolan esgerleriň ýanýoldaşlaryna we tylda zähmet çekenlere gymmat bahaly sowgatlar gowşurylýar.

Ýurdumyzy ösüşleriň täze belentliklerine alyp barýan Gahryman Arkadagymyzyň  we Gahryman Arkadagly Serdarmyzyň janlary sag, Belent başlary aman, mertebesi belent, halkymyzyň bagtyýarlygynyň, ýurdumyzyň abadançylygynyň hatyrasyna amala aşyrýan beýik işleri rowaç bolsyn.