Daşoguz welaýatynda ýerleşýän Ýaşlar merkeziniň meýletinçileriniň gatnaşmagynda Daşoguz şäheriniň iňlis dili çuňlaşdyrylyp öwredilýan ýöriteleşdirilen 29-njy orta mekdebiniň okuwçylarynyň arasynda “Ilkinji kömek ynsan saglygynyň diregi” ady bilen ilkinji kömegiň beriş usullary barada okuw sapagy geçirildi.
Çäräniň dowamynda ýanykda we beýleki ýagdaýlarda ilkinji likmançylyk kömegini bermek barada okwçylara giňişleýin düşündirilip, durmuşda duş gelýän dürli hadysalar, gaýragoýulmasyz ýagdaýlar barada düşünje berdiler we okuw sapagynyň maksadyny açyp görkezdiler.
