Şu günlerde Türkmenistanyň Gyzyl Ýarymay Milli Jemgyýetiniň  Balkan welaýat bölümi we «Mert» alpinistler kluby bilen bilelikde daglyk ýerlerde ýangyn howpsuzlygy we ilkinji kömegi bermek boýunça okuw maslahatyny geçirdi. Daglar diňe bir ajaýyp gözellik bolman, eýsem ýokary töwekgelçilikli zolakdyr. Duşuşygyň esasy maksady — işjeňleri we tebigat söýüjileri adatdan daşary ýagdaýlarda dogry hereket etmäge taýýarlamakdan ybarat boldy. Gatnaşyjylar meýdan şertlerinde ýangyn howpsuzlygynyň aýratynlyklaryny, ojaklary gurmagyň we söndürmegiň kadalaryny, şeýle hem dag eteklerinde ösümlik dünýäsini ýangyndan goramagyň usullaryny öwrendiler.

TGÝMJ-niň hünärmenleri amaly okuw maslahatyny geçirdiler. Diňleýjiler gan akmalary saklamagyň, el-aýak döwülmelerinde elasty serişdeler bilen şina goýmagyň we ýürek-öýken reanimasiýasynyň usullaryny iş ýüzünde türgenleşdirdiler. «Mert» klubynyň wekilleri çylşyrymly ýerlerde howpsuz hereket etmegiň syrlaryny we kyn şertlerde ejir çekeni ewakuasiýa etmegiň düzgünlerini paýlaşdylar.

«Ýönekeý düzgünleri bilmek adamyň ömrüni halas edip biler. Biziň wezipämiz — daglara her bir gezelenjiň diňe bir gyzykly bolman, eýsem howpsuz bolmagyny üpjün etmekdir» diýip, guramaçylar bellediler. Şeýle başlangyçlar raýat taýýarlygynyň möhümdigini we jemgyýetçilik guramalarynyň jan saglygyny hem-de ene tebigatymyzy goramakdaky hyzmatdaşlygynyň ähmiýetini ýene bir gezek subut etdi.