Hemişelik bitarap Türkmenistany hemmetaraplaýyn ösdürmekde,onuň halkara abraýyny, jemgyýetimiziň bitewiligini, halkyň agzybirligini we jebisligini berkitmekde asyrlara barabar uly işleri alnyp barylýar! Türkmenistanyň Saglygy  goraýyş we  derman senagaty ministrliginiň, Türkmenistanyň Gyzyl Ýarymaý Milli jemgyýetiniň, Türkmenistanyň  Zenanlar Birleşmesiniň Merkezi geňeşiniň  ilatyň  arasynda “Göwreli aýallarda we gelin gyzlarda inçekeseliň döreýşi we bejergisi” barada bilelikdäki meýilnamasy esasynda,Türkmenistanyň Ministrler Kabinetiniň ýanyndaky Ulag we kommunikasiýalar agentliginiň “Türkmendemirýollary” agentliginde, 2024nji ýylyň awgust aýynyň 22-ne wagyz-nesihat  duşuşygy geçirildi. Wagyz-nesihat duşuşygynda  ftiziatr lukmanlar  çykyş etdi.Ol öz çykyşynda,göwreli aýallarda  we gelin-gyzlarda  inçekeseliň döreýşi  we bejergisi barada aýdyp geçdi. Halypa lukmanymyzyň esasy nygtan wesýeti,eger kesel alamatlary ýüze çyksa,gijikdirmän şöhle barlaglary we umumy barlaglary geçirilmelidigini düşündirdi.Ondan soňra Türkmenistanyň Gyzyl Ýarymaý Milli Jemgyýetiniň Saglyk Goraýyş we Durmuş Üpjünçilik böliminiň hünärmenler çykyş etdi. Türkmenistanyň Gyzyl Ýarymaý Milli Jemgyýetinde  hereket edýän “Inçekeselli näsaglara edilýän durmuş üpjünçilik goldaw tapgyrynyň paýlanmagyny dolandyrmak” taslamasynyň çäginde   inçekeselli näsaglara bejergini  üstünlikli tamamlamak üçin, ruhy–durmuş goldawyny  berilýändigi aýdyldy. Türkmenistanyň Ministrler Kabinetiniň ýanyndaky Ulag we kommunikasiýalar agentliginiň “Türkmendemirýollary” agentliginde   zähmet çekýän  gelin- gyzlaryň arasynda,  sorag-jogaplaryň üsti bilen keseli wagtynda ýüze çykaryp, bejergi alynanda, keseli ýeňip geçip bolýandygy dowy düşindirildi.