BAŞ SAHYPA

31.10.2025: Türkmenistanyň Gyzyl Ýarymaý Milli jemgyýetiniň wekiliýeti Afinada geçiriljek XXII ERNA Baş mejlisine gatnaşar

2025-nji ýylyň 3–5-nji noýabry aralygynda Gresiýanyň Afina şäherinde Ýewropa Gyzyl Haç we Gyzyl Ýarymaý jemgyýetleriniň ýokanç keseller - SPID/HIV, gepatitler, inçekesel (TB) we neşekeşlik meseleleri boýunça torunyň (ERNA) XXII Baş mejlisi geçiriler. Çäre Gresiýanyň Gyzyl Haç jemgyýeti tarapyndan, Gresiýanyň Saglyk ministrligi we Afina şäher häkimiýeti bilen hyzmatdaşlykda gurnalar.

Mejlisiň şygary - “Jemgyýetçilik saglygy goraýyş çärelerini berkitmek: SPID/HIV, gepatit, inçekesel we neşekeşlige garşy bilelikde göreşmek”- bolup, oňa Ýewropanyň we Merkezi Aziýanyň Gyzyl Haç we Gyzyl Ýarymaý jemgyýetleriniň, halkara guramalaryň hem-de saglygy goraýyş edaralarynyň wekilleri gatnaşarlar.

Duşuşykda ERNA-nyň 2026 - 2035-nji ýyllar üçin täze strategiýasynyň işlenip taýýarlanylmagy, üstünlikli tejribeleriň alyşylmagy we jemgyýetçilik saglygyny hem-de goragsyz toparlary goldaýan hyzmatdaşlygyň pugtalandyrylmagy meseleleri ara alnyp maslahatlaşylar.

Türkmenistanyň Gyzyl Ýarymaý Milli jemgyýetiniň wekiliýeti hem bu çärede çykyş edip, SPID/HIV, inçekesel we beýleki jemgyýetçilik ähmiýetli keselleriň öňüni alyş we bejeriş ugurlary boýunça tejribe alyşmaga gatnaşar.

#ERNA2025 #RedCross #CommunityHealth #HumanitarianAction #HealthForAl

 

 

 

 

 

 

 

 

ESASGOÝUJY ÝÖRELGELERI

– Ynsanperwerlik

Hereket adamyň durmuşyny we saglygyny goramalydyr, adam mertebesiniň hormatlanmagyny
üpjün etmelidir. Ol halklaryň arasynda özara düşünişmegi, dostlugy, hyzmatdaşlygy we
parahatçylygy ýola goýmaga ýardam edýär.

– Tarap çalmazlyk

Adamlaryň milleti, dini alamatlary, haýsy jynsa degişlidigi we syýasy garaýyşlary boýunça hiç hili
kemsidilmegine ýol berilmeýär. Ol adamlaryň ejir çekmegini ýeňilleşdirmäge, ilkinji nobatda, olara
gaýragoýulmasyz kömegiň berilmegine çalyşýar.

– Bitaraplyk

Hereket ählumumy ynanyşmagy saklamak üçin dawa-jenjellerde hiç bir tarapyň bähbidini almaýar,
ol hiç haçan syýasy, dini ýa-da aňyýet häsiýetli jedellere gatnaşmaýar.

– Garaşsyzlyk

Hereket garaşsyzdyr. Milli jemgyýetler ynsanperwerlik babatynda öz ýurtlarynyň hökümetleriniň
kömekçileri we öz ýurtlarynyň kanunlaryna tabyn bolmak bilen, Hereketiň ýörelgelerine laýyklykda
hereket edip bilmek üçin mydam özbaşdaklygy saklamalydyr.

– Meýletinlik

Ynsanperwerlik kömegi meýletinlik esasda berilýär. Here¬ket hiç jähtden peýda görmeklige
düýbünden çalyşmaýar.

– Ýeke-täklik

Ýurtda Gyzyl Hajyň ýa-da Gyzyl Ýarymaýyň diňe bir milli jemgyýeti bolup biler. Ol hemmeler üçin
açyk bolmalydyr we ýurduň ähli çäginde öz ynsanperwerlik kömegini amala aşyrmalydyr.

– Köptaraplylyk

Halkara Gyzyl Haç we Gyzyl Ýarymaý hereketi bütindünýä hereketidir. Hereketiň çäklerinde ähli milli
jemgyýetleriň deň derejesi bardyr we birek-birege kömek bermekde deň jogapkärçiligi çekýärler we
olaryň deň borçnamalary bardyr.
Noyabr 2025
Du Si Ca Pe An Se Ye
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
19771978
Şu gün
Düýn
Şu aý
Geçen aý
Hemme günler
6575
6968
6575
174407
19771978
Siziň IP: 216.73.216.118
2025-11-01