Halkara maýyplar  güni bolan  3-nji  dekabrda  TGÝMJ-niň  Ahal welaýat bölüminiň meýletinçileriniň  kömegi  bilen bolsa meýletinçileriň  maýyp çagalaryň  durmuşynda  ruhy goldaw bermek maksady bilen gurnadylar. Olaryň başlangyjy esasynda ýygnalan dürli görnüşli sowgatlar, şol sanda ýumşak oýunjaklar, okuw esbaplary we beýleki peýdaly harytlar, maýyp çagalaryň ýüreklerini şatlandyrdy. Meýletinçiler her bir çaga aýratyn üns berip, olara guwanç, söýgi we duýgudaşlyk duýgularyny bagyş etdiler. Çagalaryň ýylgyryşlary, olaryň sowgatlary alandan soňky tolgunmasy we şatlygy, her bir adam üçin bu işiň nähili uly ruhy gymmata eýedigini görkezdi.Meýletinçiler şeýle çäreleriň diňe bir maýyplara däl, eýsem, jemgyýetiň ähli agzalaryna ynsanperwerligiň we goldaw bermegiň nusgalyk göreldesini görkezýändigini bellediler. Bu bolsa jemgyýetde jebisligi we biri-birine hormat goýmagy berkitmegiň möhüm ýoludyr.

Meýletinçileriň pikiriçe, şeýle çäreler olaryň özleri üçin hem möhüm ruhy tejribe bolup durýar. Sebäbi ynsanperwerlik we goldaw bermek diňe bir beýleki adamlary begendirmek bilen çäklenmän, özüňi hem ruhy taýdan baýlaşdyrýar. Halkara Maýyplar güni ýaly möhüm seneler her bir adamyň ýüreginde ynsanperwerlik duýgusyny ösdürmek üçin ajaýyp mümkinçilikdir.

Şeýle çäreler diňe bir häzirki döwürde däl, eýsem, geljek nesiller üçin-de ynsanperwerligiň we agzybirligiň hakyky nusgasy bolup hyzmat eder.

TGÝMj-niň Ahal  welaýat bölüminiň

 guramaçylyk işleri boýunça  başlygy                          H.Nurlyýew.