Türkmenabat şäherinde ýerleşýän harby bölüminde 2026-njy ýylyň esasy çäreleriň meýilnamasyna laýyklykda çagyryş boýunça harby gullukçylaryň arasynda “Adatdan daşary ýagdaýlara taýýarlyk we Lukmandan deslapky ilkinji kömek bermegiň endikleri” barada bäsleşik geçirildi. Türkmenistanyň Gyzyl Ýarymaý Milli Jemgyýetiniň Lebap welaýat bölüminiň Saglygy goraýyş we durmuş üpjünçilik bölümçesiniň we Adatdan daşary ýagdaýlary dolandyrmak bölümçesiniň degişli hünärmenleriniň emin agzasy bolup gatnaşan bäsleşikde adatdan daşary ýagdaýlar ýüze çykan döwründe saglygyna şikes ýeten adama ilkinji gaýragoýulmasyz kömegi bermegiň ýollary, zäherli gaza garşy gorag geýimleriniň kada laýyk geýilmegi, şeýle-de harby gullukçylaryň özlerine mahsus çykyşlaryň alty şerti bilen ýaryşdylar. Manekenleri, şinalary, daňy ýaglyklary ulanmak bilen ýüze çykan hadysada lukmanlar gelmezinden öň lukmançylykda ulanylýan serişdeler tapylmadyk halatynda gol aşagynda bar zatlardan ýerlikli we dogry peýdalanmagyň amaly usullary görkezildi. Bäsleşigiň dowamynda çagyryş boýunça harby gullukçylaryň çykyş eden dersleri boýunça sowalnamalar akaly bilimleri barlanyldy. Adamyň ömrüni halas edip, saglygyny gorap saklamaga gönükdirilen kömegi bermegiň dogry ýollaryny bilmek öz şahsy jogapkärçiligiňi ýokarlandyrmak, ukyp-başarjaňlyga bolan ynamyňy artdyrýar.
