TGÝMJ-niň Daşoguz welaýat bölüminiň hünärmenleri tarapyndan 2026-njy ýylyň 13-nji aprelinde Daşoguz şäheriniň 16-njy orta mekdebiniň okuwçylarynyň arasynda adatdan daşary ýagdaýlarda, hususan-da ýer titremesi hem-de şikeslerde ilkinji kömek bermek boýunça wagyz-nesihat çäresi geçirildi. Çäräniň dowamynda okuwçylara ýer titreme ýüze çykan ýagdaýynda dogry we howpsuz hereket etmek düzgünleri giňişleýin düşündirildi. Şeýle hem, olaryň guramaçylykly ýagdaýda synp otaglaryndan çykmak endikleri ösdürilip, howpsuz ýere tiz we tertipli geçmegiň usullary görkezildi.  Mundan başga-da, şikes alan ýagdaýlarda ilkinji kömegiň ähmiýeti bellenilip, ony wagtynda we dogry ýerine ýetirmegiň esasy ugurlary barada gymmatly maslahatlar berildi. Geçirilen çäre ýaş nesliň adatdan daşary ýagdaýlara taýýarlygyny ýokarlandyrmakda hem-de olaryň saglygyny we howpsuzlygyny goramakda möhüm ähmiýete eýedir.