BAŞ SAHYPA

Dünýäni üýtgedip boljak iň uly güýç — bu alada we mähirdir. Siz bolsa şol güýji özünde jemleýän ynsanlarsyňyz.

Türkmenistanyň Gyzyl Ýarymaý Milli Jemgyýetiniň alyp barýan ynsanperwer işlerine goşýan şahsy goşandyňyz, adamlara bolan mähirli garaýşyňyz we işjeňligiňiz üçin Size çäksiz minnetdarlygymyzy bildirýäris.

Siziň ýagşy niýet bilen edýän işleriňiz köplere görelde bolup hyzmat edýär. Goý, Siziň rehimli kalbyňyz hemişe şatlykdan doly bolsun! Size geljekki işleriňizde we durmuşyňyzda uly üstünlikleri arzuw edýäris.

Biz siziň bilen buýsanýarys! Janyňyz sag, işleriňiz hemişe rowaç bolsun!

Gutlamak bilen, Türkmenistanyň Gyzyl Ýarymaý Milli Jemgyýeti

ESASGOÝUJY ÝÖRELGELERI

– Ynsanperwerlik

Hereket adamyň durmuşyny we saglygyny goramalydyr, adam mertebesiniň hormatlanmagyny
üpjün etmelidir. Ol halklaryň arasynda özara düşünişmegi, dostlugy, hyzmatdaşlygy we
parahatçylygy ýola goýmaga ýardam edýär.

– Tarap çalmazlyk

Adamlaryň milleti, dini alamatlary, haýsy jynsa degişlidigi we syýasy garaýyşlary boýunça hiç hili
kemsidilmegine ýol berilmeýär. Ol adamlaryň ejir çekmegini ýeňilleşdirmäge, ilkinji nobatda, olara
gaýragoýulmasyz kömegiň berilmegine çalyşýar.

– Bitaraplyk

Hereket ählumumy ynanyşmagy saklamak üçin dawa-jenjellerde hiç bir tarapyň bähbidini almaýar,
ol hiç haçan syýasy, dini ýa-da aňyýet häsiýetli jedellere gatnaşmaýar.

– Garaşsyzlyk

Hereket garaşsyzdyr. Milli jemgyýetler ynsanperwerlik babatynda öz ýurtlarynyň hökümetleriniň
kömekçileri we öz ýurtlarynyň kanunlaryna tabyn bolmak bilen, Hereketiň ýörelgelerine laýyklykda
hereket edip bilmek üçin mydam özbaşdaklygy saklamalydyr.

– Meýletinlik

Ynsanperwerlik kömegi meýletinlik esasda berilýär. Here¬ket hiç jähtden peýda görmeklige
düýbünden çalyşmaýar.

– Ýeke-täklik

Ýurtda Gyzyl Hajyň ýa-da Gyzyl Ýarymaýyň diňe bir milli jemgyýeti bolup biler. Ol hemmeler üçin
açyk bolmalydyr we ýurduň ähli çäginde öz ynsanperwerlik kömegini amala aşyrmalydyr.

– Köptaraplylyk

Halkara Gyzyl Haç we Gyzyl Ýarymaý hereketi bütindünýä hereketidir. Hereketiň çäklerinde ähli milli
jemgyýetleriň deň derejesi bardyr we birek-birege kömek bermekde deň jogapkärçiligi çekýärler we
olaryň deň borçnamalary bardyr.
20173694
Şu gün
Düýn
Şu aý
Geçen aý
Hemme günler
8409
14304
60393
347898
20173694

Siziň IP: 216.73.216.1
2025-12-05

Связь с нами