Golaýda 24-nji mart inçekesele garşy göreş gününe bagyşlap meýletinçileriň arasynda welaýat bölüminiň saglygy goraýyş hünärmenleri tarapyndan “Sagdyn jemgyýet-bagtyýar Döwlet” ady bilen wagyz-nesihat çäresi geçirildi.
Ýurdumyzyň ilatynyň arasynda ýokanç kesellere garşy göreşmekde, halkyň saglygyny goramakda ägirt uly işler alnyp barylýar.Çaga dogulan wagtyndan başlap ýokançlaryň öňüni almak boýunça öňüni alyş sanjymlary urulýar. Ýygnagyň dowamynda ýiti respirator, dümew keseli barada olardan nähili goranmak we olaryň öňüni almak barada giňişleýin gürrüň berildi. Şeýle-de sagdyn durmuş ýörelgelerine eýermek, sagdyn iýmitlenmek barada aýratynlykda bellenilip geçildi.Ýygnagyň ahyrynda gatnaşyjylaryň ählisine saglyk we öňünde goýulan wezipeleri ýerine ýetirmekde üstünlik arzuw edildi.
