BAŞ SAHYPA

18.03.2024: TGÝMJ-niň Daşoguz welaýat bölümi, Türkmenistanda Gyzyl Ýarymaýyň döredilmeginiň 98 ýyllygy mynasybetli Maliýe-ykdysady orta hünär okuw mekdebinde geçiren çäresi.

TGÝMJ-niň Daşoguz welaýat bölüminiň hünärmenleri, Türkmenistanda Gyzyl Ýarymaýyň döredilen gününiň 98 ýyllygy mynasybetli  Daşoguz welaýatynyň Maliýe-ykdysady orta hünär okuw mekdebiniň talyplarynyň arasynda duşuşyk geçirildi. Jemgyýetiň welaýat bölüminiň düzümleriniň, jemgyýetçilik guramalarynyň, saglygy goraýyş we bilim ulgamynyň wekilleriniň gatnaşan bu çäresinde welaýat bölüminiň hünärmenleri çykyş edip, öz işlerinde Ynsanperwerlik, Bitaraplyk, Tarap çalmazlyk, Garaşsyzlyk, Meýletinlik, Ýeke-täklik we Köptaraplylyk ýörelgelerine daýanýan jemgyýetiň taryhy we alyp barýan köptaraply iş ugurlary barada gürrüň berdiler.

 

 

ESASGOÝUJY ÝÖRELGELERI

– Ynsanperwerlik

Hereket adamyň durmuşyny we saglygyny goramalydyr, adam mertebesiniň hormatlanmagyny
üpjün etmelidir. Ol halklaryň arasynda özara düşünişmegi, dostlugy, hyzmatdaşlygy we
parahatçylygy ýola goýmaga ýardam edýär.

– Tarap çalmazlyk

Adamlaryň milleti, dini alamatlary, haýsy jynsa degişlidigi we syýasy garaýyşlary boýunça hiç hili
kemsidilmegine ýol berilmeýär. Ol adamlaryň ejir çekmegini ýeňilleşdirmäge, ilkinji nobatda, olara
gaýragoýulmasyz kömegiň berilmegine çalyşýar.

– Bitaraplyk

Hereket ählumumy ynanyşmagy saklamak üçin dawa-jenjellerde hiç bir tarapyň bähbidini almaýar,
ol hiç haçan syýasy, dini ýa-da aňyýet häsiýetli jedellere gatnaşmaýar.

– Garaşsyzlyk

Hereket garaşsyzdyr. Milli jemgyýetler ynsanperwerlik babatynda öz ýurtlarynyň hökümetleriniň
kömekçileri we öz ýurtlarynyň kanunlaryna tabyn bolmak bilen, Hereketiň ýörelgelerine laýyklykda
hereket edip bilmek üçin mydam özbaşdaklygy saklamalydyr.

– Meýletinlik

Ynsanperwerlik kömegi meýletinlik esasda berilýär. Here¬ket hiç jähtden peýda görmeklige
düýbünden çalyşmaýar.

– Ýeke-täklik

Ýurtda Gyzyl Hajyň ýa-da Gyzyl Ýarymaýyň diňe bir milli jemgyýeti bolup biler. Ol hemmeler üçin
açyk bolmalydyr we ýurduň ähli çäginde öz ynsanperwerlik kömegini amala aşyrmalydyr.

– Köptaraplylyk

Halkara Gyzyl Haç we Gyzyl Ýarymaý hereketi bütindünýä hereketidir. Hereketiň çäklerinde ähli milli
jemgyýetleriň deň derejesi bardyr we birek-birege kömek bermekde deň jogapkärçiligi çekýärler we
olaryň deň borçnamalary bardyr.
Dekabr 2024
Du Si Ca Pe An Se Ye
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5
15720443
Şu gün
Düýn
Şu aý
Geçen aý
Hemme günler
6151
14282
70838
430988
15720443
Siziň IP: 18.97.14.88
2024-12-06