Türkmenistanyň Gyzyl Ýarymaý Milli jemgyýetiniň Lebap welaýat bölümi we Türkmenistanyň Goranmak ministrliginiň Lebap welaýat Raýat goranyş we Halas ediş işleri müdirligi bilen bilelikde, Lebap welaýatynyň Dänew etrabynda “Amyderýanyň suwunyň joşmagy zerarly döräp biljek adatdan daşary ýagdaýlarda gözleg-halas ediş, guramaçylykly göçüriş we beýleki gaýragoýulmasyz işleri guramak” atly tälim beriş okuwy geçirildi.
Meýilleşdirilen okuwyň çäginde Türkmenistanyň Gyzyl Ýarymaý Milli jemgyýetiniň Lebap welaýat bölümi hem-de Türkmenistanyň Goranmak ministrliginiň Lebap welaýat Raýat goranyş we Halas ediş işleri müdirligi tarapyndan raýatlar adatdan daşary ýagdaýlarda gözleg we halas ediş işlerini gurnamak we tiz herekete geçmek ýaly tälim okuwy geçirildi. TGÝMJ-niň Lebap welaýat bölümi tarapyndan hem raýatlara wagtlaýyn ýaşaýan ýerlerini gurnamamak, çadyr şäherçesinde kabul etmek, hasaba almak we ýerleşdirmek barada tälim okuwlary geçirildi.
