TGYMJ-de Halkara zenanlar güni mynasybetli zenan işgärler dabaraly ýagdaýda gutlandy

Halkara zenanlar güni mynasybetli Türkmenistanyň Gyzyl Ýarymaý Jemgyýeti tarapyndan guramanyň zenan işgärlerini hormatlamak dabarasy geçirildi.

Baýramçylyk ruhunda geçen çärede guramanyň ýolbaşçylygy zenanlara ýokary hünär ussatlygy, yhlasly zähmeti we Jemgyýetiň ynsanperwerlik maksatly işleriniň üstünlikli ýerine ýetirilmegine goşýan möhüm goşantlary üçin tüýs ýürekden minnetdarlyk bildirdi. Zenanlaryň rehimdarlyk, alada we jogapkärçilik ýaly gymmatly häsiýetleriniň jemgyýetiň ynsanperwer işlerinde aýratyn ähmiýete eýedigi aýratyn bellenildi.

Dabaranyň dowamynda zenan işgärlere bahar gülleri we Hormatly Prezidentimiziň adyndan berlen sowgatlary gowşuryldy. Olara berk jan saglyk, maşgala abadançylygy, döredijilik üstünlikleri hem-de jemgyýetiň ynsanperwer maksatlaryna hyzmat etmekde täze üstünlikler arzuw edildi.

Bu çäre zenanlaryň jemgyýetdäki ornuna we olaryň ynsanperwer işlerde ýerine ýetirýän möhüm wezipesine goýulýan ýokary hormatyň nyşanyna öwrüldi.