Daşoguz welaýatynyň Boldumsaz etrabynyň çagalar bagynda ýangyn howpsuzlygy boýunça düşündiriş işi geçirildi

TGÝMJ-niň Daşoguz welaýat bölüminiň Boldumsaz etrap wekili tarapyndan Boldumsaz etrabynyň çagalar bakja bagynyň körpeleriniň arasynda «Ýangyn howpsuzlygynyň öňüni almak» mowzugy boýunça düşündiriş işleri geçirildi. Çäräniň dowamynda çagalara ýangyn howpsuzlyk düzgünlerini berjaý etmegiň ähmiýeti, oda we ot çeşmelerine seresaply çemeleşmegiň zerurdygy barada giňişleýin maglumat berildi. Şeýle hem körpelere kükürt we beýleki ot ýakýan serişdeler bilen oýnamagyň örän howpludygy, munuň ýangyn we betbagtçylykly hadysalara sebäp bolup biljekdigi düşündirildi. Duşuşygyň dowamynda çagalar ýangyn howpsuzlygy bilen bagly düzgünler bilen tanyşdyryldy we howply ýagdaýlarda uly ýaşlylara habar bermegiň möhümdigi nygtaldy. Şeýle çäreler ýaş nesilde howpsuzlyk medeniýetini kemala getirmäge, olarda jogapkärçilik duýgusyny ösdürmäge we betbagtçylykly hadysalaryň öňüni almaga ýardam berýär.