Aşgabatda «Parahatçylyk we Bitaraplyk» temasy boýunça sebitleýin maslahat geçirildi

Türkmenistanyň Bitaraplygynyň 20 ýyllygyna bagyşlanan çäreleriň çäklerinde 2015-nji ýylyň 6-njy maýynda Aşgabatda Gyzyl Haç we Gyzyl Ýarymaý Jemgyýetleriniň Halkara Federasiýasy, Türkmenistanyň Daşary işler ministrligi we Türkmenistanyň Gyzyl Ýarymaý Milli Jemgyýeti tarapyndan guralan «Parahatçylyk we Bitaraplyk» temasy boýunça sebitleýin mejlis geçirildi.

Mejlisiň işine Gyzyl Haç we Gyzyl Ýarymaý Jemgyýetleriniň Halkara Federasiýasynyň Baş direktory jenap Elhaj As Si, GDA ýurtlarynyň, Owganystanyň, Eýranyň, Gruziýanyň, Latwiýanyň we Estoniýanyň Gyzyl Haç we Gyzyl Ýarymaý Milli Jemgyýetleriniň ýolbaşçylary, Türkmenistanyň Mejlisiniň deputatlary, Türkmenistanyň birnäçe ministrlikleriniň, pudak edaralarynyň we insitutlarynyň wekilleri, Türkmenistanda akkreditirlenen halkara guramalarynyň wekilleri, Türkmenistanyň Daşary işler ministrliginiň hünärmenleri we habar beriş serişdeleriniň wekilleri gatnaşdylar.

Mejlisiň işine Gyzyl Haç we Gyzyl Ýarymaý Jemgyýetleriniň Halkara Federasiýasynyň Baş direktory jenap Elhaj As Si, GDA ýurtlarynyň, Owganystanyň, Eýranyň, Gruziýanyň, Latwiýanyň we Estoniýanyň Gyzyl Haç we Gyzyl Ýarymaý Milli Jemgyýetleriniň ýolbaşçylary, Türkmenistanyň Mejlisiniň deputatlary, Türkmenistanyň birnäçe ministrlikleriniň, pudak edaralarynyň we insitutlarynyň wekilleri, Türkmenistanda akkreditirlenen halkara guramalarynyň wekilleri, Türkmenistanyň Daşary işler ministrliginiň hünärmenleri we habar beriş serişdeleriniň wekilleri gatnaşdylar.

Mejlisiň işiniň barşynda netijeli halkara hyzmatdaşlygynyň ýola goýulmagynda we ösdürilmeginde bitaraplygyň orny we ähmiýeti barada önjeýli pikirler alyşyldy. Ýerine ýetirilen çykyşlarda Türkmenistanyň Bitaraplygynyň bu şanly senesiniň gazarsyz döwletiň özboluşly daşary syýasat modelini sazlaşykly we üstünlikli durmuşa geçirmek işinde özbaşyna taryhy tapgyr bolup durýandygy bellenilip geçildi.

Mejlise gatnaşyjylar Türkmenistanyň Gyzyl Haç we Gyzyl Ýarymaý Jemgyýetleriniň Halkara Federasiýasy bilen hyzmatdaşlygyny ösdürmek boýunça işjeň tagallalaryna oňyn baha berdiler. Adatdan daşary ýagdaýlara garşy göreşmek gurallarynyň öwrenilmegi we ara alnyp maslahatlaşylmagy üçin şeýle görnüşdäki halkara duşuşyklarynyň yzygider esasda degişli halkara guramalary bilen hyzmatdaşlykda geçirilmeginiň zerurlygy bellenilip geçildi.

Ýokarda agzalan foruma gatnaşyjylar işlemek üçin ajaýyp şertleriň döredilmegi, onuň gatnaşyjylaryna bildirilen aýratyn myhmansöýerlik üçin Türkmenistanyň hormatly Prezidenti Gurbanguly Berdimuhamedowyň adyna çuňňur minnetdarlyk sözlerini beýan etdiler hem-de onuň Türkmenistanyň gülläp ösmegine gönükdirilen köpugurly işlerine täze beýik üstünlikleriň hemra bolmagyny arzuw etdiler.

Duşuşygyň ahyrynda oňa gatnaşyjylar tarapyndan jemleýji resminama kabul edildi.

TÜRKMENISTANYŇ DIM