Täze okuw ýylynyň öňüsyrasynda, Türkmenistanyň Gyzyl Ýarymaý Milli jemgyýetiniň Balkan welaýat bölüminiň Alada ýaşlar merkeziniň meýletinçileri  çagalar üçin kanselýariýa harytlaryny ýygnamak  kampaniýasyny gurnady.

Kampaniýa şu ýyl ilkinji gezek mekdebe gitjek 10 sany birinji synp okuwçysyna kömek berdi. Meýletinçiler her bir çaga üçin okuw esbaplarynyň doly toplumyny taýýarladylar: täze sumkalar, gündelikler, depderler, ruçkalar, galamlar we beýleki zerur okuw esbaplary.

20-nji awgustda Alada ýaşlar merkeziniň meýletinçileri çagalara  sowgatlary gowşurdylar. Duşuşyk mähirli we dostlukly ýagdaýda geçirildi. Çagalar alan sowgatlaryndan hoşal boldular, täsirlerini paýlaşdylar we okuw ýylynyň başynda gutlaglary ýylgyryş bilen kabul etdiler.

Bu başlangyç, Gyzyl Ýarymaý meýletinçileriniň üns we goldawa mätäç çagalar üçin eden gowy işleriniň  ýene bir mysaly boldy.