24-nji martda Türkmenistanda Bütindünýä Inçekesele garşy göreş  güni bilen baglanyşykly çäreler geçirildi. Türkmenistanyň Milli Gyzyl Ýarymaý jemgyýetiniň (TGÝMJ) meýletinçileri inçekeseli öz wagtynda anyklamagyň we bejermegiň wajypdygyny aýdyň görkezýän birnäçe sorag-jogaplar we teatr sahnalaryny gurnadylar. Meýletinçiler keseliň alamatlary, bu keseliň öňüni almak we öz wagtynda anyklamak barada köpçüligiň düşünjesini artdyrmak boýunça  gürrüň etdiler. Sagdyn ýaşaýşyň we immuniteti berkitmegiň ähmiýetine aýratyn üns berildi. Şeýle çäreler raýatlaryň öz saglygyna jogapkärli garamagyna ýardam edýär we ýokanç kesellere garşy göreşmekde döwletiň edýän tagallalaryny goldaýar.