Türkmenistanyň Gyzyl Ýarymaý Milli jemgyýeti ýurduň iň irki ynsanperwer jemgyýetçilik guramalarynyň biridir. Jemgyýet 1926-njy ýylyň 26-njy martyndan bäri hereket edýär. Türkmenistanyň Gyzyl Ýarymaý Milli jemgyýetiniň döredilenine bu gün 99 ýyl dolýar. Onuň ilkinji döredileni bäri uzakmöhletli işi bu gün beýik Galkynyşlar eýýamyna gadam basan ýurduň taryhy bilen jebis baglanyşyklydyr.
1991-nji ýylda garaşsyz döwlet we dünýä bileleşiginiň doly hukukly agzasy bolup, Türkmenistan halkara ynsanperwerlik hukugynyň esasyny düzýän Ženewa Konwensiýasynyň dördüsini we oňa Goşmaça teswirnamalary ratifisirledi. Şol ýylyň özünde Türkmenistanyň Prezidentiniň degişli karary bilen Gyzyl Ýarymaý Milli jemgyýeti Gyzyl Hajyň we Gyzyl Ýarymaýyň Halkara hereketiniň ynsanperwerlik,tarap çalmazlyk, bitaraplyk, garaşsyzlyk, meýletinlik, ýeke-täklik,köptaraplyk esasy ýörelgelerine eýerip, Türkmenistanyň içinde öz işini alyp barýan özbaşdak ýeke-täk jemgyýetçilik guramasy hökmünde ykrar edildi.
Bularyň ählisi Türkmenistanyň Gyzyl Ýarymaý Milli Jemgyýetiniň Halkara Gyzyl Haç Komiteti tarapyndan resmi taýdan ukrar edilmegi üçin ilkibaşky kanuny şertleri döretdi, 1995-nji ýylda bolsa ol Gyzyl Haç we Gyzyl Ýarymaý jemgyýetleriniň Halkara Federasiýasynyň doly hukukly, 164-nji agzasy boldy.
Türkmenistanyň Gyzyl Ýarymaý Milli jemgyýetiniň tutuş işi Prezidenti Serdar Berdimuhamedowyň “Watan diňe halky bilen watandyr! Döwlet diňe halky bilen döwletdir!” diýen sözi şygaryna öwrülen ýurt bilen bütewiligiň aýdyň şöhlelenmesi bolup, ol öz işini ynsanperwerlik, akýüreklilik, rehim-şepagatlylyk ýaly ýörelgeler esasynda guraýar. Bu ýörelgeler bolsa türkmen halkynyň açyklyk, parahatsöýüjilik, sabyrlylyk ýaly milli sypatlary we täze Galkynyş eýýamynyň ideýalaryna, biziň jemgyýetimiziň ähli sferalarynda amala aşyrylýan özgertmelere wepalylyk meýilleri bilen sazlaşýar. Ynsanperwerlik wezipesini berjaý etmek bilen, biziň Milli jemgyýetimiz türkmen döwletiniň syýasatynyň esasyny düzýän, aýdyň döredijilikli ugry bilen tapawutlanýan sosial-ykdysady reformalaryň ählisine doly gatnaşýar.
Türkmenistanyň Gyzyl Ýarymaý Milli jemgyýetiniň döredilen gününden bäri möhüm seneleri.
|
1926 |
Türkmenistanyň Gyzyl Ýarymaý Milli jemgyýetiniň döredilmegi |
|
1927 |
Lukmançylyk-barlaýyş we bejeriş toparlarynyň döredilmegi.Oba ilatynyň sagaldylyşy |
|
1941 |
Urşuň ilkinji günlerinden Türkmenistanyň Gyzyl Ýarymaý jemgyýeti öz işini söweşde we tylda ýaralylara we kesellere seretmek boýunça saglygy goraýyş edaralaryna kömek bermäge gönükdirdi |
|
1948 |
Türkmenistanyň Gyzyl Ýarymaý jemgyýeti 6-njy oktýabrdan 7-sine geçilýän gije Aşgabatda Rihteriň şkalasy boýunça 7,3 sarsgyna barabar elhenç ýer titremesiniň heläkçiliklerini ýok etmeklige işjeň gatnaşdy
|
|
1992 |
Türkmenistanyň Prezidentiniň 1992-nji ýylyň 23-nji martyndaky 658-nji Karary bilen Jemgyýet Türkmenistanyň çäklerinde Gyzyl Haçyň we Gyzyl Ýarymaýyň Halkara hereketiniň ýörelgelerine laýyklykda öz işini alyp barýan ýeke-täk özbaşdak jemgyýetçilik guramasy hökmünde ykrar edildi |
|
1992, Aprel |
Türkmenistanyň hökümeti 1949-njy ýylyň Ženewa Konwensiýalaryny we olara 1977-nji ýyldaky Goşmaça Teswirnamalary ratifisirledi
|
|
1995, Noýabr |
TGÝMJ GH we GÝ Halkara Federasiýasynyň 164-nji doly hukukly agzalygyna girdi
|
2001, Maý “Gyzyl ýarymaýyň we gyzyl haçyň nyşanlaryny peýdalanmak we goramak hakynda” Türkmenistanyň Kanuny kabul edildi
2012, Dekabr “Türkmenistanyň Gyzyl Ýarymaý Milli jemgyýeti hakynda” Türkmenistanyň Kanuny kabul edildi
Gyzyl Ýarymaý Milli jemgyýetiniň düzümi tutuş ýurdy gurşap alýar we öz hereketinde işine işjeň gatnaşýan 240 000 agzalaryň we meýletinçileriň 3000 müňden gowragyny jemleýär.
