TGÝMJ-niň “Inçekeselli näsagalara edilýän durmuş üpjünçilik goldaw tapgyrynyň paýlanylmagyny dolandyrmak” taslamasynyň utgaşdyryjysy we utgaşdyryjynyň kömekçisi 2025-nji ýylyň 20-21-nji fewralynda TGÝMJ-niň Daşoguz welaýat bölüminde iş saparynda bolup, inçekeselli näsaglar bilen işlemek, hasabat we meýilleşdiriş meseleleri boýunça monitoring işleri geçirildi. Iş saparynyň esasy maksady bar bolan kynçylyklary ýüze çykarmak, häzirki ýagdaýy seljermek we bu ugurdaky işi has-da gowulandyrmak üçin teklipler taýýarlamak boldy. Monitoringiň esasy tapgyrlary inçekeselli näsaglar bilen işleşmegiň hasabat ulgamyny seljermek, näsaglar bilen duşuşyklar geçirip, olaryň zerurlyklaryny we kynçylyklaryny öwrenmekden ybarat boldy. Geçirilen monitoring Daşoguz welaýatynda inçekeselli näsaglar bilen işleşmegiň häzirki ýagdaýy barada anyk maglumatlary almaga mümkinçilik berdi. Berlen maslahatlar lukmançylyk kömegini gowulandyrmaga, bejerginiň we öňüni alyş çäreleriniň netijeliligini ýokarlandyrmaga hem-de taslamanyň geljekde ösüşine goşant goşmaga ýardam eder.