Bilşimiz ýaly, 2021-nji ýylyň 18-nji dekabrynda Türkmenistanyň Mejlisi "Durmuş üpjünçiligi hakynda" (https://minjust.gov.tm/) Türkmenistanyň kanunyny kabul etdi. Bu kanun döwlet guramalarynyň we jemgyýetçilik guramalarynyň goldawyna we kömegine mätäç adamlara durmuş hyzmatlary bermegiň kanunyny, guramaçylyk we ykdysady esaslaryny kesgitleýär. Bu Kanun bilen, döwlet durmuş hyzmatlaryna mätäç adamlar hökmünde ykrar edilen şahsyýetlere, maşgalalara we toparlara durmuşyň kyn ýagdaýyny ýeňip geçmek üçin şahsy zerurlyklara baha bermek esasynda durmuş hyzmatlardan peýdalanmak mümkinçiligini kepillendirýär.

         2024-nji ýylyň awgust aýynda Birleşen Milletler Guramasynyň Ilat Gaznasy (UNFPA) we  Türkmenistanyň Gyzyl Ýarymaý Milli jemgyýeti (TGÝMJ) bilelikde ýurdumyzyň ähli welaýtlarynda we Aşgabat şäherinde psihologiki maslahat, ynam telefony we jemgyýetçilik hyzmatlaryny öz içine alýan Maşgala goldaw gulluklaryny açdylar. Bu gullugyň maksady, durmuş ýagdaýy zerarly kynçylyk çekýän maşgalalara, esasanam aýal-gyzlara çözgüt tapmakda goldaw we hyzmatlar bermekden ybarat.

         Bu gullugyň alyp barýan işi baradaky maglumatlar TGÝMJ-niň welaýat bölümleriniň üsti bilen, UNFPA we TGÝMJ tarapyndan geçirilen ýygnaklarda we seminarlarda, UNFPA-nyň web sahypasynda, şeýle hem internet platformalarynda ýaýradyldy we ilata ýetirildi. Bu hyzmatlar, telefon we psihologiki maslahat bermekden başga-da, degişli jemgyýetçilik gurluşlarynyň işi barada maglumat berýär we klinikalar we lukmançylyk merkezleri, şäher häkimligi, durmuş hyzmatlary, çagalar baglary we bilim edaralary, iş hyzmatlary we başgalar ýaly beýleki guramalara ugrukdyrmalara kömek edýär.

         UNFPA we TGÝMJ, betbagtçylyk döwründe mätäçlere hyzmat etmek üçin Maşgala goldaw gullugynyň işini goldamagy, gowulandyrmagy we giňeltmegi dowam etdirerler.