2016 –njy ýylyň maý aýynyň 1-ne Aşgabat şäheriniň “Aşgabat” seýilgähinde Türkmenistanyň Saglygy goraýyş we derman senagaty ministrliginiň, Kärdeşler arkalaşygy Milli merkeziniň, Türkmeniştanyň Gyzyl Ýarymay Milli jemgyýetiniň, Magtymguly adyndaky ýaşlar guramasynyň bilelikde temmäkä garşy göreşmegiň biraýlygyna bagyşlanan çäre geçirildi. Bu çärede, TGÝMJ –niň meýletinçileriniň gurnan Sagdyn durmuş endikleri hakynda sorag-jogap wiktorinasy seýilgähe gelen adamlarda uly gyzyklanma döretdi . Dynç almaga gelen raýatlaryň arasynda ýokanç däl keselleriň öňüni almak hakynda wagyz –nesihat işleri alynyp baryldy we dogry jogap beren uly ýaşly adamlara we çagalara höweslendiriji sowgatlar berildi. Meýletinçileriň gurnan sahnalaryna tomaşa edildi. Aşgabat şäheriniň 76-njy mekdebiniň 3-A synp okuwçysy Ibrahim Abajiniň ýerine ýetirmeginde “Sport” diýen aýdymy dynç alamaga gelen raýataryň we çagalaryň arasynda uly şowhunly el çarpmalar bilen garşy alyndy.
